Analisti Skënder Minxhozi i ftuar në “Edicionin Qendror” foli edhe në lidhjet me situatën në Kosovë dhe kokëfortësia e kryeministrit Albin Kurti për të zbatuar propozimet e ndërkombëtarëve në lidhje me situatën në veri të Kosovës.
Minxhozi tha se arsye se pse po bën Kurti këtë nuk i justifikon aspak përmasat e krizës së krijuar, e cila tanimë nuk është më vetëm në veri, po është përhapur te ndërkombëtarët.
Analisti shtoi se Albin Kurti po “sharron degën ku është ulur” dhe se SHBA tanimë ka përcaktuar se kë do të godasë.
“Janë dy momente që lidhen nga kokëfortësia e kryeministrit kosovar. Një kokëfortësi që e çoi fillimisht situatën në veri drejt një përplasje. Me 40 të plagosur, që detyroi NATO-n të shtojë asetet e saj. E ka futur sigurinë në një gjendje alarmi.
Për një arsye që nuk justifikon aspak përmasat e krizës së krijuar. Aq më tepër që kriza nuk mbeti në ato komunat ku Kurti çoi kryetarë të votuar nga 200 vetë. Por është përhapur tanimë dhe ka të gjithë përmasat diplomatike , ndërkombëtare që e vë një shtet të vogël, përballë gjithë mbrojtësve të saj, atyre që e krijuan dhe i garantojnë ekzistencën. Albin Kurti po sharron degën ku është ulur.
Fjalët e Escobarit përcaktimi si një individ që nuk pranon bashkëpunim është një përcaktim tmerrësisht i rëndë, ashtu siç lexoja “The Economist” e cila thoshte se Kurti me mëndje të kthjellët dhe vullnet të plotë, provokoi një krizë pasojat e së cilës ishin të parashikueshme.
Ndërkohë që të qënit politikan dhe lider, ty të kërkon që të jesh fleksibël në momente të caktuara. Si mund të thotë Kurti që sekretari i Shtetit është naiv, elementë që dihej përgatisnin një vizitë të vështirë të Escobar në Prishtinë.
Amerikanët do ta jepnin goditjen pas sjelljes së Kurtit dhe ata e dhanë. Ajo që tha Escobar se problemin e kemi me Kurtin dhe jo me Kosovën dhe ata e dinë se ku do të godasin” tha Minxhozi.
