Ambasada e Shteteve të Bashkuara në Prishtinë ka kërkuar nga qytetarët amerikanë që të jenë të kujdesshëm gjatë lëvizjes në shesh, sepse pritet të fillojnë protestat përballë Kuvendit të Kosovës, përgjatë sheshit “Nëna Terezë”, shkruan Byroja për Siguri Diplomatike. Partitë politike opozitare në Kosovë do të demonstrojnë kundër Qeverisë së Kosovës. Numri i pjesëmarrësve në këtë protestë, nuk është i ditur. Demonstrata të ngjashme si kjo të mbajtura në tetor, nëntor dhe janar, përgjatë sheshit Nëna Terezë, u kthyen në të dhunshme. Këto ngjarje do të mund t’i bllokojnë rrugët ose të pengojnë transportin publik, shkruan në mesazhin e Byros për Siguri Diplomatike.
“Qytetarët e Shteteve të Bashkuara duhet të jenë të vetëdijshëm për demonstratat e vazhdueshme potenciale të organizuara nga grupet në Kosovë. Grupet kanë informuar se planifikojnë të organizojnë protesta 24/7 përballë Kuvendit të Kosovës. Qytetarët e Shteteve të Bashkuara duhet t’i shmangin këto zona të demonstratave dhe të kenë kujdes nëse gjenden afër ndonjë tubimi të madh ose protestave. Edhe demonstratat që mendohet të jenë paqësore, mund të kthehen në konfrontuese dhe të përshkallëzohen në dhunë”, thuhet në këtë mesazh të ambasadës amerikane.
