SHBA nuk përjashton një dialog të drejtpërdrejtë me regjimin koreano-verior për programin bërthamor të Phenianit, deklaroi sekretari i Shtetit, Rex Tillerson në një intervistë për radion publike amerikane NPR.
«Në mënyrë të qartë, kjo do të ishte mënyra e dëshiruar për zgjidhjen e kësaj çështje », pohoi ai, i pyetur në lidhje me negociata të mundshme të drejtpërdrejta me regjimin koreano-verior.
Por regjimi i Phenianit duhet të jetë i gatshëm për të diskutuar denuklearizimin e gadishullit korean dhe jo vetëm një ngrirje të programit të tij bërthamor, pohoi ai gjatë një takimi të Këshillit të Sigurimit të OKB-së që kishte në fokus Korenë e Veriut.
«Qëllimi ynë është i njëjtë me atë të Kinës, ky është denuklearizimi i gadishullit korean’’, u shpreh ai. Do të shtoja gjithashtu se ne e dhamë shembullin tonë, kemi tërhequr armët tona bërthamore nga gadishulli korean. Është koha që Koreja e Veriut të eleminojë gjithashtu potencialin e saj bërthamore.
c.a
