Dhoma amerikane e Përfaqësuesve miratoi dje në mbrëmje vonë legjislacionin që lejon familjarët e viktimave të 11 shtatorit 2001 që të padisin sponsorizuesit e huaj, të cilët ata besojnë se fshihen pas sulmeve terroriste të vitit 2001.
Para 15-vjetorit të 11 shtatorit të vitit 2001-it, Dhoma e Ulët votoi me zë projektligjin “Drejtësi kundër Sponsorizuesve të Akteve Terroriste” (JASTA) pas kalimit të një projektligji të ngjashëm nga Senati në maj të këtij viti.
Presidenti amerikan, Barack Obama do të vendosë për masën, të cilën ai e ka kundërshtuar fuqishëm.
Në maj, Shtëpia e Bardhë tha se ishte e vështirë të imagjinohet se ai do të nënshkruajë JASTA-n, duke cituar shqetësimet se ligji do të pengonte imunitetin sovran të qeverisë së SHBA-së në gjykatat e huaja.
Nëse legjislacioni bllokohet, Kongresi mund ta miratojë me supershumicën e 2/3 të të dyja dhomave, që është e mundur për shkak të mbështetjes së gjerë dypartiake.
Në Departamentin e Shtetit, zëdhënësja Elizabeth Trudeau tha se “pozicioni i Shtëpisë së Bardhë nuk ka ndryshuar”./a.m.
