Përdoruesit e TikTok në SHBA po “migrojnë” në një aplikacion kinez të quajtur RedNote. Përdoruesit e kanë bërë kështu RedNote aplikacionin më të shkarkuar në App Store.
Ky aplikacion tashmë mund të konsiderohet si një prej konkurrentëve të TikTok. RedNote numëron rreth 300 milionë përdorues në muaj dhe duket si një kombinim i TikTok dhe Instagram. Ai lejon përdoruesit që të shkëmbejnë këshilla, për stilin e jetës, modën apo për fusha të tjera.
Pavarësisht dilemave për sigurinë e të dhënave përdoruesit e shikojnë RedNote si një aplikacion alternativë që mund të zëvendësojë më së miri TikTok. Për BBC disa prej tyre shprehen kështu:
“Edhe nëse TikTok qëndron, unë do të vazhdoj të përdor faqen time që kam krijuar në RedNote.”
“Unë do të vazhdoj të krijoj një faqe në RedNote dhe të shoh se çfarë lidhjesh miqësish apo mundësish mund të më ofrojë”.
Kjo tregon se edhe nëse TikTok shmang një ndalim të mundshëm, kjo nuk do të pengojë përdoruesit që të gjejnë platforma të tjera për ta zëvendësuar atë.
