Administrata amerikane po projekton kthimin e qindra familjeve me origjinë nga Amerika Qendrore , që ndodhen në vend në mënyrë të paligjshme, sipas shtypit amerikan.
Familjet e prekura nga kjo masë kanë mbërritur me një valë imigracioni klandestin nga Amerikan Qendrore duke nisur nga viti 2014 në përpjekje për t’iu larguar dhunës që mbretëron në rajon.
“Agjentët e imigracionit, që bëjnë pjesë në Ministrisë për Sigurinë e Brendshme (DHS), po përgatiten të ndalojnë këta persona dhe t’i kthejnë që prej fillimit të muajit janar”, theksoi “Washington Post” dhe disa media të tjera, si “Wall Street Journal”.
Familjet e shënjestrura, qindra, ndoshta më shumë, sipas “Washington Post”, janë ato, për të cilat dëbimi është urdhëruar tashmë nga një gjykatës. Ato janë të përbëra nga të paktën një minoren dhe një i rritur.
Pyetur nga AFP-ja, DHS-ja nuk ka dashur të japë detaje në lidhje me planin e dëbimit. Por një zëdhënëse e ministrisë, Gillian Christensen, ka nënvizuar se kufiri amerikan nuk ishte i hapur për imigracionin e paligjshëm.
“Nëse personat që vijnë këtu në mënyrë të paligjshme, nuk mund të përfitojnë azil apo forma të tjera të qëndrimit dhe i nënshtrohen një urdhëri dëbimi, ata do të rikthehen”, deklaroi ajo.
“Plani i dëbimit është kundërshtuar nga administrata Obama dhe ende nuk ka marrë dritën e gjelbër përfundimtare”, theksoi “Washington Post”.
Imigracioni klandestin është një temë e ndjeshme në jetën politike amerikane dhe veçanërisht në kampin republikan ku kandidatët janë të ndarë mbi qëndrimin që duhet të kenë përballë familjeve emigrante pa dokumente.
