Sekretari i Shtetit Amerikan Rex Tillerson ka deklaruar se Shtetet e Bashkuara e kuptojnë brishtësinë e Ballkanit dhe do të vazhdojnë të punojnë me partnerët e Bashkimin Evropian për të sjellë stabilitet, prosperitet dhe demokraci në rajon.
Tillerson vijoi më tej se “SHBA do të dëshironte të shihte një gjeneratë të re politikanësh. Njerëzve të Ballkanit u themi që ti harrojnë armiqësitë e vjetra në mënyrë që paqja të jetë e përhershme. “
“Ju keni një shans që të drejtoni një kurs të ri për historinë. Vijat e gjakut nuk duhet të jenë më vija lufte. Ne do të donim të shihnim një gjeneratë të re serbësh, kroatësh, shqiptarësh, boshnjakësh, kosovarësh dhe grupeve të tjera që do të falin të shkuarën, edhe nëse s’do mund ta harrojnë kurrë atë”, tha Tillerson
Deklaratat e sekretarit u bënë gjatë një konference vjetore për marrëdhëniet e SHBA me Bashkimin Europian.
