Xherdan Shaqiri mund të ndërrojë skuadër në afatin kalimtar të janarit, me klubet italiane që kanë shprehur interesim për shërbimet e tij.
Sipas raporteve të reja është klubi i Romës që së fundmi ka shprehur për Shaqirin, i cili tashmë ka shijuar Serinë A në fanellën e Interit, transmeton Koha.net.
Vëllai i Xherdan Shaqirit, Erdini nuk e ka përjashtuar mundësinë e transferimit të futbollistit shqiptar në Romë.
“Roma? Kurrë mos thuaj kurrë”, ka thënë Erdin Shaqiri për Corriere dello Sport, duke shtuar se, “më vjen keq që nuk mund të flas më tepër.
E vetmja gjë e sigurt tani është se Xherdani është i fikusuar te Stoke City. Janari është ende larg, ka kohë ende për të shikuar mundësitë”.
Xherdan Shaqiri në këtë edicion ka pasur probleme me lëndime dhe nuk e ka filluar mbarë sezonin në Premier Ligë me Stoke Cityn. (b.an)
