Një shqiptar dhe një maroken janë arrestuar nga Policia në Itali, pasi kanë shantazhuar dhe shfrytëzuar për prostitucion një vajzë italiane 26-vjeçare.
Shqiptari 28-vjeçar e kishte njohur vajzën italiane në një mbrëmje dhe e kishte filmuar më pas nudo në hotel.
Pas kësaj, shqiptari dhe marokeni e kanë shantazhuar vajzën se do t’ia publikonin videon në internet në rast se nuk vidhte shumën prej 2500 eurosh nga një i afërm i saj raporton Panorama.
Vajza kështu veproi duke i vjedhur kartën e kreditit të afërmit të saj, mirëpo nuk mbaroi me kaq. Ata më pas e kanë detyruar të gjejë klientë në internet dhe të kryejë marrëdhënie seksuale me ta.
Vajza më pas ka denoncuar në Polici rastin dhe dy keqbërësit janë arrestuar./a.m.
