Shakira i ka paguar një shumë marramendëse qeverisë spanjolle për taksat e prapambetura që i detyrohej.
Sipas raportimeve të mediave lokale ylli i muzikës i ka paguar rreth 25 milionë dollarë autoriteteve spanjolle. Të gjitha këto detyrime sipas Spanjës janë për shkak të fshehjes së tatimeve ndaj shtetit nga ana e këngëtares.
Gazeta El Periodico e Barcelonës ishte e para që raportoi historinë të hënën. Sipas njoftimit, hetimi për mashtrim kërkon të përcaktojë nëse Shakira jetonte ligjërisht në Spanjë bashkëshortin e saj, futbollistin e Barcelonës Gerard Pique, në mes të viteve 2011 dhe 2014.
Ligji spanjoll thotë se nëse një individ shpenzon më shumë se 183 ditë në vend, ata konsiderohen si banorë të ligjshëm dhe janë përgjegjës për pagimin e tatimeve mbi të ardhurat e fituara ndërkombëtarisht. Megjithatë, ata që shpenzojnë më pak se 183 ditë në Spanjë do të ishin përgjegjës vetëm për të ardhurat e fituara brenda vendit.
41-vjeçarja thuhet se ka jetuar si banore e Bahamas rreth 3 vite dhe ka mashtruar me tatime.
Avokati i këngëtares e mbrojti duke thënë se ajo e ka shpenzuar shumicën e kohës jashtë vendit dhe nuk bëri asnjë përpjekje për të fshehur qëllimisht të ardhurat e saj.
a.ç
