Me nisjen e sezonit turistik, në vendin tonë janë hapur edhe qendrat shëndetësore verore për të ofruar asistencë mjekësore për të gjithë pushuesit. Përmes një postimi në Facebook, kryeministri Rama u shpreh se nga veriu në jug do të jenë 36 qendra shëndetësore, të hapura 24/7 me ekip të përkushtuar mjekësh dhe infermierësh.
“Për çdo emergjencë shëndetësore gjatë pushimeve tuaja, jemi pranë jush
Qendra Shëndetësore Verore e Gjirit të Lalëzit.
Nga veriu në jug, 36 qendra shëndetësore verore janë të hapura 24/7, me ekipe të përkushtuara mjekësh dhe infermierësh, për të garantuar pushime të sigurta dhe të qeta për të gjithë.”, shkruan Rama.
