Në Durrës është ngritur e vetmja kullë vrojtimi nga 10 të tilla që duhet të ishin ndërtuar përgjatë vijës bregdetare. Por edhe është e vetmja kullë, ku aty mungojnë vrojtuesit.
Sezoni turistik në Durrës ka nisur me dy të mbytur dhe masat e sigurisë së pushuesve janë të pakta.
Përgjatë plazhit nga Ura e Dajlanit deri në Iliria duhet të ishin 10 kulla të tilla për të monitoruar vijën bregdetare. Por edhe pse një detyrim ligjor ky për çdo 4-5 plazhe private, askush nuk po e zbaton.
Zyrtarë të Bashkisë së Durrësit i thanë ABC News se procesi i vendosjes do të përfundojë deri në fund të muajit. Dhe një shkresë zyrtare i është drejtuar Federatës Shqiptare “Vrojtuesit e plazheve dhe shpëtimit në ujë”.
Deri atëherë përgjegjës për sigurinë e jetës së pushuesve nuk ka dhe gjithsecili duhet të kujdeset vetë, ndërsa plazhojnë në brigjet e Adriatikut. /b.d
