Greqia do të dërgojë forcat e saj ushtarake ujore dhe ajrore në zonën ku Turqia po kërkon për gaz në Mesdheun lindor. Mediat greke kanë bërë të ditur se autoritetet i kanë dërguar një njoftim (Navtex) anijeve që do të zhvillohen stërvitje ushtarake.
Parashikohet që forcat greke të ushtrohen në zonën e Kretës, Karpathos, Rodosit dhe Jugut të Kastelorizos, aty ku ndodhet anija turke e kërkimit për gaz natyror dhe naftë. Stërvitja do të zgjasë për dytë, nga data 25 deri më 27 Gusht. Autoritetet kanë sqaruar se gjatë këtyre dy ditëve nuk do të përdoren armët.
Kjo lëvizje e Greqisë vjen pasi Turqia po kërkon për gaz në një zonë të diskutueshme mes të dy shteteve. Një nga problemet është se Turqia dhe Libia kishin rënë dakord për ndarjen e zonave të tyre ekonomike në Mesdhe, por kjo bie në kundërshtim me një marrëveshje të ngjashme midis Greqisë dhe Egjiptit.
Ndërkohë Gjermania dhe SHBA-ja janë përpjekur gjatë kësaj kohe që të ulin tensionet.
/a.r
