Deputetët e VMRO-DPMNE në Maqedoni kanë penguar kreun e Kuvendit, Talat Xhaferi të hyjë në zyrë e tij.
Sipas informatave, një pjesë e deputetëve gjenden para zyrës, ndërsa një pjesë tjetër brenda saj, por ekipet e mediave për momentin nuk mund të arrijnë deri aty.
E hëna ishte dita e parë e punës për kryeparlamentarin e ri të Maqedonisë, Talat Xhaferi. Gjurmët e dhunës së të enjtes së shkuar ishin ende të pranishme. Mure të dëmtuara, karrige e xhama të thyera.
Talat Xhaferi dha porosi për administratën, për ta kthyer Parlamentin në gjendje pune. Ai kërkoi që të sigurohet korridori, sepse aty do të mbajë konferencën e parë për shtyp.
c.a
