Kryetari i Vetëvendosjes Albin Kurti dhe ai i Lidhjes Demokratike të Kosovës Isa Mustafa kanë nisur një tjetër takim pasditen e kësaj të enjteje në Prishtinë.
Lidhur me mundësinë e arritjes së marrëveshjes së koalicionit, nga të dyja këto parti janë shprehur optimistë për përafrim të marrëveshjes.
Një ditë më parë të dy liderët zhvilluan një bisedë treorëshe por pa rezultate konkrete.
Sipas mediave vendase në tryezën e bisedimeve vijon të jetë posti i presidentit të ardhshëm.
Ndërkohë presidenti Hashim Thaçi megjithëse kishte vendosur një afat prej 48 orës për propozimin e emrit të kryeministrit nga ana e lëvizjes vetëvendosje, nuk ka reaguar pas skadimit të këtij ultimatumi i cili përfundoi ditën e djeshme. /e.s/
