Në Galaxy Unpacked 2022 më 9 shkurt, Samsung prezantoi serinë e re Galaxy Tab S8 – Galaxy Tab S8, S8 Plus dhe S8 Ultra. Kjo seri ofron tabletët Galaxy më të mëdhenj, më të guximshëm dhe më të gjithanshëm deri më tani. Pavarësisht nëse doni të punoni, të krijoni, të bisedoni ose thjesht të argëtoheni, seria Galaxy Tab S8 është dizajnuar për t’u përshtatur me botën gjithmonë e më aktive dhe të drejtuar nga përmbajtjet video.
Superfuqi për çdo detyrë, në çdo kohë
Pajisur me çipin e parë 4 nm – procesori më i shpejtë ndonjëherë në një tablet Galaxy – Galaxy Tab S8, S8+ dhe Ultra ofrojnë RAM dhe hapësirë ruajtëse të mjaftueshme. Të treja modelet kanë bateri inteligjente që zgjat gjatë gjithë ditës. Falë karikimit super të shpejtë 45 W, Tab S8 dhe Tab S8+ mund të karikohen plotësisht në vetëm 80 minuta ose 90 minuta për Tab S8 Ultra. Bateria e Tab S8 mund të përdoret gjithashtu si një karikues portativ për karikimin Device-to-Device, nëpërmjet një kabllo USB-C.
Hapësirë për të krijuar
Nëse doni të eksploroni anën kreative, do të gjeni hapësirën e nevojshme për t’i dhënë jetë krijimeve tuaja. Pavarësisht se cilën madhësi tableti zgjedh, S Pen është i përfshirë dhe bashkohet në mënyrë magnetike në pjesën e pasme të serisë Galaxy Tab S8 për t’u karikuar. Tab S8 Ultra dhe Tab S8+ vijnë të dy me një S Pen të ri dhe të përmirësuar që përdor një algoritëm parashikimi për vonesa jashtëzakonisht të vogla – duke ofruar një përvojë të jashtëzakonshme shkrimi që imiton rrëshqitjen e një lapasi nëpër letër. Risia tjetër është partneriteti ekskluziv i Samsung me Clip Studio Paint, i cili kthen S Pen në një penel dhe ekranin e gjerë të Galaxy Tab S8 në kanavacën tuaj, me një gamë digjitale ngjyrash.
Gjithashtu, mund të krijoni foto dhe video mahnitëse plot detaje, të ofruara nga një kamerë e dyfishtë e përparme ultra e gjerë 12MP, regjistrim video 4K dhe mjetet kryesore të editimit të LumaFusion.
Dizajn i mrekullueshëm
Dizajni i hollë dhe i lehtë i serisë Tab S8 është sa funksional aq edhe elegant. Trupi Armor Aluminum është korniza më e fortë prej alumini, e cili mbron tabletët nga të gjitha llojet e goditjeve dhe rënieve. Mund ta mbani me siguri me vete kudo që të shkoni për të gjetur frymëzim ose për të punuar nga distanca.
Galaxy Tab S8 Ultra vjen në ngjyrë gri të errët, dhe Tab S8 dhe S8+ vijnë në tre nuanca të sofistikuara – gri e errët, e argjendtë dhe rozë e artë.
Bashkëveprim me të gjithë ekosistemin e hapur Galaxy
Seria Galaxy Tab S8 funksionon pa problem me të gjithë ekosistemin Galaxy, duke ju krijuar mundësinë e përdorimit të pajisjeve Galaxy së bashku. One UI Tab 4 e Samsung ofron një përvojë të qëndrueshme dhe intuitive, lidhje të pandërprerë, si dhe një integrim inteligjente që rrjedh nga Galaxy Tab S8 në smartphone dhe PC dhe anasjelltas. Me seritë Galaxy Tab S8 dhe Galaxy S22 Ultra, Quick Share ju mundëson të ndani foto, video dhe skedarë midis pajisjeve dy herë më shpejt se më parë. Dhe për herë të parë, Samsung Health është i disponueshëm në tabletët Galaxy, në mënyrë që të mund të shfletoni videot e fitnesit dhe të kontrolloni parametrat tuaja të shëndetit në një ekran më të madh.
Seria Galaxy Tab S8 ju ofron lirinë dhe fleksibilitetin që meritoni për të punuar dhe luajtur kudo si kurrë më parë. Për më shumë informacion, vizitoni: https://www.samsung.com/al/
