Sergio Ramos mohon çdo akuzë të bërë kundër tij, në lidhje me përdorimin e substancave të ndaluara përpara finales së Champions në 2017, kundër Juventus. Kapiteni i Realit dhe Spanjës deklaroi se ai nuk ka thyer asnjëherë rregullat, dhe për këtë arsye, është mjaft i qetë në këtë situatë: “Nuk jam nervoz, më dhemb kur i dëgjoj këto zëra, por do të marr masat e nevojshme me ekipin tim ligjor. Pas 15 vitesh karrierë, kam kryer më shumë se 300 kontrolle dopingu dhe nuk kam thyer asnjë rregull.
Na e kanë thënë këtë lajm përpara një muaj e gjysmë e madje na kanë kërkuar para që të mos zbulohej. Unë dhe klubi jemi mjaft të qetë, nuk kemi asgjë për të fshehur”. Ramos u pyet në lidhje me mjekimin e përdorur, i cili është pretenduar si substancë e ndaluar nga “Football Leaks”. Mbrojtësi spanjoll bëri të qartë se bëhej fjalë vetëm për një ilaç kundër dhimbjeve, dhe asgjë tjetër të dyshimtë:
“Unë përdora një ilaç kundër dhimbjeve, për shkak të një dëmtimi që kisha në shpatullën time. Ky informacion ju dha edhe doktorëve të UEFA-s, dhe çështja u mbyll. Do të vazhdoj të jap më të mirën time si zakonisht, duke qenë më profesionist se kurrë, pavarsisht gjithçkaje”.
Edhe vetë UEFA ka kundërshtuar hapur këtë lajm, duke mohuar kategorikisht mbulimin e një testi pozitiv në anti-doping, pavarësisht se për kë lojtar bëhet fjalë. Mbetet për tu parë nëse do të hapet një hetim i mëtejshëm, në lidhje më këtë situatë, përgatiti TEMA.
