Tensionohen marrdhëniet mes Rusisë dhe Izraelit. Gjithçka ndodhi pasi Ministri i Jashtëm rus Sergey Lavrov deklaroi se origjina hebraike e Presidentit të Ukrainës Volodymyr Zelensky nuk e mohon faktin se ka elementë nazistë në qeverinë e tij, duke shtuar se Hitleri kishte gjithashtu gjak hebre.
Ka reaguar dhe ministri i jashtëm i Izraelit, Yair Lapid, i cili tepër i acaruar, tha se “Hebrenjtë nuk vranë veten në Holokaust”.
“Kjo është një deklaratë e pafalshme dhe e egër dhe një gabim i tmerrshëm historik dhe ne presim një falje. Gjyshi im u vra nga nazistët. Të thuash se Hitleri ishte me origjinë hebreje është si të thuash se hebrenjtë vranë njëri tjetrin dhe ne nuk mund ta falim një krahasim të tillë”, tha ai.
“Më tërbon jo vetëm si ministër i Jashtëm, por edhe si një djalë që babai iu fut në geton e Budapestit. Atë nuk e vendosën hebrenjtë. Atë e vendosën nazistët. Nazistët persekutuan hebrenjtë dhe vranë gjashtë milionë prej tyre. Ukrainasit nuk janë nazistë. Vetëm nazistët ishin nazistë dhe ata kishin kryer një zhdukje sistematike të popullit hebre,” tha ai.
Lapid tha se priste që ambasadori rus të kërkonte falje në lidhje me komentet e bëra nga ministri rus. Ndërkohë, Lavrov është thirrur në Ministrinë e Jashtme për të sqaruar deklaratat.
“Para së gjithash, rusët duhet të korrigjojnë gabimin e tyre dhe të hapin librat e historisë”, tha Lapid.
Në intervistën e së dielës, ministri i Jashtëm rus tha gjithashtu se disa nga antisemitët më të këqij ishin vetë hebrenjtë.
/a.r
