Ai është vetëm një atlas gjeografik për fëmijë, por botimi më i ri i Shtëpisë Botuese “Vulkan” ka terrorizuar opinionin serb.
Kjo, sepse serbët, e veçanërisht ata nacionalistë, janë tronditur nga fakti se fëmijët e tyre po mësojnë nga ajo që paraqet ky atlas, se Kosova është shtet i pavarur.
Dhe jo vetëm harta gjeografike, por edhe emri i Kosovës përbën problem, pasi aty njihet siç e njohin tashmë shumica e vendeve të OKB-së, e jo me termin e përdorur shpesh nga Serbia, si “Kosovo i Metohija”.
Mediat serbe e kanë pasqyruar këtë ngjarje duke e cilësuar skandaloz punimin e ri të kësaj shtëpie botuese. Madje, njëra prej tyre ka bërë të ditur se “libri që e përmban këtë hartë duhen ndaluar të shitet, sepse Kosova është pasqyruar e shkëputur nga Serbia”.
“Ministria e Arsimit duhet t’i kontrollojë librat, që janë në kundërshtim me Kushtetutën tonë, të paktën nga sa thonë ekspertët”, theksohet më tej në njërën prej të përditshmeve serbe./express/a.k
