“Nuk ka pasur arrestime, ka pasur vetëm biseda me ata njerëz”.Kështu ka thënë ministri serb i Punëve të Brendshme Nebojsha Stefanoviq, duke komentuar raportimet nga Prishtina se autoritetet serbe kanë ndaluar e arrestuar pjesëtarë serbë të Forcave të Sigurisë së Kosovës, transmeton Koha.net .
Ai duke folur për këtë temë në rtv ka thënë:
“Çdonjëri për të cilin shërbimet tona të sigurisë vlerësojnë se mund të ketë njohuri të caktuara ose që merr pjesë në rrënimin e sistemit tonë kushtetues, kushteve të sigurisë, ftohet për bisedë.
Ata persona nuk janë arrestuar, janë ftuar në bisedë nga agjencitë tona të sigurisë për t’i konfirmuara disa njohuri që i kanë agjencitë tona. Meqë janë informata të ndjeshme, nuk do t’i nxjerrja në publik.
Gjithsesi se ata njerëz nuk ndalen pa njohuritë që i kanë shërbimet tona të sigurisë”. Stefanoviq ka përsëritur se e kryeministri i Kosovës Ramush Haradinaj do të arrestohet nëse është i aksesueshëm për policinë serbe për shkak të akuzave për krime lufte. (b.an)
