Historiani serb, zëvendëssekretar për Shkencë në Krahinën e Vojvodinës, Milivoje Beshlin, i tha të përditshmes së Beogradit, “Danas”, se ka marrë përmasa të gjera në opinion serb orientimi prorus, transmeton shkrimin Koha.net. I pyetur, ndër të tjera, se opinionit serb Rusia iu prezantua si alternativë tendencave globaliste të SHBA dhe BE-së, por çfarë po heshtet, Beshlin u përgjigj:
“Po heshtet se Serbia ka eksport më të madh në Kosovë se në Rusi. Heshtet se në bilancet mbi shumat e donacioneve të jashtme Rusia nuk figuron askund. Pra, këtu pëlqehen paratë e Perëndimit, ndërsa mbështetet Rusia. Kjo është dyfytyrësi”, – tha ai.
