Sot në Nish, Serbi, është paralajmëruar mbajtja e mbledhjes së përbashkët ndërmjet qeverisë së Serbisë dhe qeverisë së Shqipërisë, transmeton Koha.net.
Qeveritë e dy vendeve pritet të bisedojnë për shtimin e bashkëpunimit ndërmjet dy vendeve.
Në prag të kësaj mbledhjeje, ministri serb i Financave Dushan Vujoviq ka vlerësuar se ky takim do të jetë hap në drejtim të përkrahjes së projekteve për investime të përbashkëta.
Më herët ishte njoftuar se njëri ndër projektet do të jetë edhe ai i ndërtimit të autostradës Nish – Merdar.Dy qeveritë mund të debatojnë edhe rreth Ligjit për Trepçën miratuar të shtunën në Kuvendin e Kosovës.
Serbia e ka kundërshtuar këtë Ligj e dhe ka nxitur përfaqësuesit serbë të Kosovës të ngrijnë aktivitetet e tyre në institucionet e Kosovës.Shqipëria, në ndërkohë, e ka këshilluar Kosovën që ta përmirësojë këtë Ligj. (b.an)
