Fshatarët në fshatin Rakita në juglindje të Serbisë nuk kanë duruar më. Pas disa muajsh në protestë ku askush nga qeveria në Beograd nuk i ka dëgjuar, ata kanë hequr tubat e instaluar nga investitorët e një hidrocentrali të ri që ka zhvendosur rrjedhën e ujit.
Lumi Rakitska furnizon me ujë fshatin e tyre. Banorët thanë se devijimi i lumit në këto tuba do të shkatërrojë rezervat e peshkut, do të bëjë që të thahen puset dhe të privojnë përdorimin e ujit për fushat dhe bagëtinë. Banorët vendas u ndihmuan në këtë ‘revolucion’ nga aktivistë të mjedisit.
“Njerëzit po largohen nga fshati ynë. Nëse nuk ka ujë në këtë lum, nuk ka jetë për ta”, shpjegoi banori Djordje Jovanov. Sipas tij, disa investitorë erdhën befas dhe ja rrëmbyen ujin lumit. Rreth 100 hidrocentrale të vegjël nëpër rrjedhat e lumenjve malore janë duke u ndërtuar në Serbi, sipas Ministrisë së Mjedisit.
Kompania shtetërore serbe e Energjisë ofron stimuj të fortë për të blerë energji elektrike te prodhuar nga termocentralet me një çmim 50 përqind më të lartë se sa norma e tregut. Mbështetësit e hidrocentraleve malore argumentojnë për dëme shumë më të mëdha nga ndikimi në mjedis të shkaktuara nga gjenerimi i energjisë me qymyr. Ambientalistët thonë se Serbia duhet të bëjë një zgjedhje.
/a.r
