Profesori i Shkencave Politike në Serbi, Jovan Teokareviç, ka thënë se Kosova nuk është e vetmja, por është një ndër pikat kyçe në negociatat ndërmjet Serbisë dhe BE-së dhe është diçka që nuk duhet nënvlerësuar. Ai thotë se Kapitulli 35 që ka të bëj me statusin e Kosovës do ta lë Serbinë për vite të tëra në tavolinën e bisedimeve. Teokareviç beson se Kapitulli 35 do të jetë më i diskutueshmi viteve të ardhshme, dhe sipas tij, ky proces negociues do të jetë në çdo kohë në rendin e ditë, transmeton KosovaPress.
“Gjithashtu, kapitujt 23 dhe 24, që kanë të bëjnë me sundimin e ligjit, lirisë dhe sigurisë, që do të hapen në vitin 2016, do të negociohen në fund”, ka theksuar ai.
Ai është shprehur se negociatat mes Serbisë e BE-së për anëtarësim janë më specifike për shkak të Kapitullit 35 i cili drejtpërdrejt ka të bëj me statusin e Kosovës. “Ata po e presin Serbinë, pasi absolutisht Serbia nuk është e gatshme të negociojë”, ka vlerësuar ai.
