Janë plot 125 punëtorë të Hekurudhave të Serbisë në Kosovë, të cilët e gjejnë veten në listat paraprake të punëtorëve që do të hiqen nga puna.
Ata janë mbledhur në Stacionin e Trenit në Zveçan, të vendosur për ta ndalur trenin që qarkullon në linjen Mitrovicë e Veriut – Kralevë, por kanë hequr dorë pas insistimit të Policisë së Kosovës, përfaqësuesve të Zyrës për Kosovën dhe drejtuesve të Hekurudhave të Serbisë.
Punëtorët e Hekurudhave të Serbisë në Kosovë thonë se për kërshëndella kanë marrë dhuratë listen me emrat e tyre të shpallur si “tepricë teknologjike”.
Sipas tyre me sistematizimin e ri të vendeve të punës drejtuesit e “Zeleznice Serbije” kanë shpallur tepricë teknologjike 125 punëtorë, në mesin e të cilëve ndodhen edhe 8 punëtorë të Shërbimit Teknik të Fushë Kosovës, me seli në Zveçan. Sipas Hekurudhave të Serbisë, në gjithë Kosovës ka rreh 400 punëtorët të Hekurudhave të Serbisë, përgatiti Express. (b.an)
