Nëpërmjet programit të Rindërtimit, familjet e prekura në Bubq nga tërmeti i 26 nëntorit do të kthehen në banesat të reja.
Kryeministri Edi Rama, në një takim të zhvilluar me banorët e prekur nga tërmeti, u shpreh se
“T’i gëzoni shtëpitë , që besoj se të gjithë ju në momentet e para besoj nuk kishit fuqi të besonit se do të ndërtoheshin. Besoj se tani japin mundësinë e një jete të re në komunitetit. Ky program ka nxjerrë më të mirën tonë dhe krijoi mundësi më të mira se ato që njerëzit kishin përpara tërmetit.
Një kategori familjesh humbën banesa ku ishin larg zonave të fshatit , ku fëmijët do të duhet të bënin shumë rrugë për të shkuar në shkollë, apo ku të moshuarit do të duhej të bënin shumë rrugë për një konsultë shëndetësore. Tashmë sot bëhen këtu”, tha Rama.
Gjithashtu kryeministri Rama , ironizoi situatën e brendshme politike në Partinë Demokratike.
I ndalur tek akuzat që ish-kryeministri Sali Berisha i është drejtuar kreut të PD-së Lulzim Basha se merret me bravat, Rama u shpreh se përplasja mes palëve nuk është problem i qeverisë, ndërsa shtoi se kushdo që ka problem me bravat le të kalojë në Partinë Socialiste.
‘Banesat kanë edhe një oborr dhe ju nxis të kujdeseni si duhet. Janë mjedise ku mund të qëndrojnë pjesëtarë të familjes dhe do të bëhet diçka edhe më e bukur se sot. E kujtoj shumë mirë momentin e parë, sytë e zbrazur nga çdo shpresë dhe një konflikt që kemi pasur me banorë të revoltuar se do t’i prishej shtëpia që kishte dhe se ishte me bindjen se nuk do të ndërtohej banesë e re. Por të mos harrojnë se mes nesh kur ra ajo fatkeqësi hyri edhe pandemia një fatkeqësi edhe më e madhe ku krijoi një vonesë të madhe.
Po të doni pyetini njerëzit që keni në Itali, të tregojnë sa vite kanë në kabina apo rulota që presin të kthehen në shtëpi pas humbjes së banesës nga tërmeti. Ndoshta 10 vite, por edhe kur të kthehen në shtëpi , nuk e kanë 100 %. Por duke pasur parasysh zhvillimet e kohëve të fundi, kujdes bravat, ruajuni nga ndërrimi i bravave nga bllokimi i bravave.
Kujdes nga çelësat që të ngelen në derë. Unë ju uroj shëndet dhe ky nuk është program për socialistët , por për shqiptarët dhe shqiptarët janë njësoj kur bëhet fjalë për shërbimet. Dhe sa na takon ne të gjitha bravat janë të sigurta. Sëmundja që i ka zënë demokratët me bravat nuk është probleme i qeverisë. Kushdo që nuk do të ketë problem me bravat lë të bëhet socialist”, tha Rama .
Nderkohe qe nuk ka munguar te “ngacmoje” demokratet, teksa ka nenvizuar se “më vjen mirë me demokratët e bravave. Do hyjnë në shtëpi dhe do më kujtojnë mua. Këtë nuk kanë si e shmangin.
Pastaj do më shajnë. Aman se lekët e popullit janë, nuk ka bërë ndonjë gjë. Drejtori i shkollës këtu më tha shkolla jonë ka më shumë banjo se sa kishte gjithë Bubqi.
Për këtë jam në këtë detyrë. Për të lënë një emër të mirë dhe për të mos iu ndarë demokratëve si hije gjithë jetën. Si hije që kur rrëzohesh, të jep dorën dhe të thotë çohu se jemi bashkë”./m.j
