Në të gjithë qarkun e Beratit vijon vaksinimi i bagëtive për sëmundjen e gjedhit. Ndonëse nuk është konstatuar asnjë vatër me dermatozë nodulare, ekspertët e veterinarisë thonë se nëpër ferma janë marrë dhe masa me solucione dezinfektuese ndaj personave apo makinave që mund të hyjnë.
Shërbimi veterinar në Berat vijon vaksinimin e bagëtive në të gjithë qarkun për parandalimin e sëmundjes së gjedhit.
Aktualisht veterinerët kanë kryer vaksinimin në disa ferma të Kozarës në rrethin e Kuçovës, ndërkohë që konfirmohet së në këtë qark nuk ka asnjë rast të prekur nga kjo sëmundje.
Ekspertët pohojnë se të gjitha fermat janë pajisur me preparate dezinfektuese për çdo person dhe automjet që hyn në fermë.
Në qarkun e Beratit numërohen 28 000 krerë gjedhë dhe zonat me fermat që kanë mbi 20 krerë gjedhë janë në fshatrat Perondi e Kozare në Kuçovë dhe fshatrat Poshnje e Kutalli të Urës-Vajgurore dhe në Lapardha të Beratit./atsh/a.k
