Drejtoria e Doganave ka sekuestruar mijëra aksesorë celularësh, duke pezulluar hedhjen në treg të aksesorëve për celularë të markave te njohura për arsye se dyshohen si te falsifikuara.
“Në Degën e Doganës Rinas, në kuadër të luftës kundër falsifikimit të markave dhe mbrojtjes së konsumatorit, u pezullua hedhja për konsum e një sasie të konsiderueshme aksesorësh për celularë të markave Samsung, AKG, IPHONE, etj., të dyshuar si të falsifikuar” ka thënë Drejtoria e Doganave
Sasia e sekuestruar përbëhet nga 2274 copë USB data kabëll, 1712 copë ushqyes celulari, 910 copë ekrane LCD, 280 copë kufje”
Gjithashtu mësohet se autoritetet doganore u kanë kërkuar përfaqësuesve të mbajtjes të së drejtës të këtyre markave, të shprehen mbi origjinalitetin e mallrave të pezulluara për hedhje për konsum.
a.ç
