Sekuestrohen mbi 73 kg marijuanë dhe mbi 2 kg hashash çokollatë në kufirin greko-shqiptar.
Pas informacioneve që seksioni i krimeve dhe anti-drogës në Komisariatin e Policisë Sarandë i dha policisë greke, në Koritiani, Igumenicë, u ndalua një automjet brenda të cilit u gjetën dhe sekuestruan 55 pako me 73 kg 840 gram marijuanë dhe 19 pako me 2 kg 30 gram hashash të llojit “çokollatë”.
U arrestua drejtuesi i mjetit, shqiptar 24 vjeç. Nga policia greke u identifikua dhe u arrestua edhe pritësi i drogës në Kipseli, Athinë, një shqiptar 35 vjeç.
U sekuestrua automjeti i transportit të drogës, i marrë me qira në Greqi dhe 5 telefona celularë.
ma.me
