Policia e Përmetit ka vënë në pranga një 56-vjeçar pasi në banesën e tij janë gjetur 41 kg drogë.
Sipas të dhënave zyrtare është finalizuar me sukses operacioni i koduar “Vila”, si rezultat i të cili u krye kontroll në banesën e shtetasit Njazi Çaushti. Në automjetin furgon me targa PR 0756 A, i cili ishte i parkuar në oborrin e kësaj banese u gjet një sasi prej 41 kg lëndë e dyshuar narkotike Cannabis Sativa.
Lënda narkotike u sekuestrua në cilësinë e provës materiale, ndërsa 56-vjeçari u arrestuar me akuzën për veprën penale “Prodhim dhe shitje të narkotikëve”./a.ç