192.5 kilogramë lëndë narkotike, e dyshuar Cannabis Sativa, është sekuestruar nga policia e Pukës, në vijim të operacionit “BIBAJ”.
Droga u gjet në një banesë të pa banuar, e marrë në ruajtje nga Nikollë Kola 46 vjeç, banues në fshatin Dom në Gjegjan të Pukës, i cili u arrestua.
Gjithashtu në ambientet e jashtme të kësaj banese, janë gjetur dhe sekuestruar dy thasë me 46 kallëp lëndë plasëse me peshë 48 kg.
Në bashkëpunim me Prokurorinë, po vijon puna për zbardhjen dhe dokumentimin e plotë të kësaj ngjarjeje.
Materialet i kaluan Prokurorisë së Rrethit Gjyqësor Pukë për veprat penale “Prodhimi dhe shitja e narkotikëve” e “Prodhimi dhe mbajtja pa leje e armëve luftarake dhe e municionit”.
