Nga shërbimet e Drejtorisë Vendore për Kufirin dhe Migracionin Shkodër në bashkëpunim dhe me Seksionin Kundër Narkotikëve në Drejtorinë Vendore të Policisë Shkodër, pas informacioneve të siguruara në rrugë operative dhe në vijim të punës së pandërprerë për goditjen e trafikimit të lëndëve narkotike, është finalizuar me sukses operacioni i radhës i koduar “THE BORDER”
Rasti i 1 :
Më datë 20.11.2016, u bë arrestimi në flagrancë i 5 shtetasve, pasi janë kapur në brezin e kufirit jeshil, në vëndin e quajtur fshati Pentar, njësia administrative Dajç, duke udhëtuar me mjetin kamionçinë e markës me targë SH 8893 E, e cila ishte e ngarkuar me 18 thasë, në total me 88 kg lëndë e dyshuar narkotike cannabis-sattiva, e cila u sekuestrua në cilësinë e provës materiale. Këta shtetas në bashkëpunim me njëri-tjetrin kishin qëllim trafikimin e lëndës së dyshuar narkotike.
Shtetasit e arrestuar janë :
* Gjergj Gjuraj, 56 vjeç, banues në Shkodër
* Klodian Dani, 31 vjeç, banues në Shkodër
* Dorjan Gjeloshi, 26 vjeç, banues në Shkodër
* Viktor Gjeloshi, 23 vjeç, banues në Shkodër
* Eduard Avdia, 28 vjeç, banues në Shkodër
Rasti i 2 :
Nga shërbimet e Policisë Kufitare Muriqan, Shkodër, në bazë të informacioneve të siguruara në rrugë operative, u bë i mundur arrestimi në flagrancë i shtetasit :
* Alvaro Balaj, 27 vjeç, banues në Durrës
Gjatë kontrollit të ushtruar në vijën e dytë, në automjetin e tij tip, me targë AA 813 OV, u gjet në 2 anësoret e këtij automjeti poshtë dyerve disa pako të mbështjella dhe të futura në cilindra metalikë, ku në total ishin 19 kg lëndë e dyshuar narkotike cannabis sattiva, e cila u sekuestrua në cilësinë e provës materiale.
Materialet proçeduriale për të 2 rastet, iu referuan Prokurorisë së Krimeve të Rënda, Tiranë për veprën penale “Trafikim i lendëve narkotike” në bashkëpunim, parashikuar nga neni 283/a/2 i Kodit Penal.
shqiptarja.com/d.i.
