Prokuroria ka sekuestruar një milion euro pasuri të përfituara përmes mashtrimit në Itali, ndërsa ishin fshehur në emër të një pensionisteje në qytetin e Pogradecit dhe të Tiranës.
Në listën e pasurive të sekuestruara janë; 2 apartamente banimi në Pogradec, me sipërfaqe 175 m2, 4 apartamente banimi në Tiranë, me sipërfaqe 420 m2, 1 njësi shërbimi në Tiranë dhe me sipërfaqe 106.5 m2. Pasuritë e sekuestruara në Pogradec dhe në Tiranë janë në emër të pensionistes me inicialet A.D.
Por si funksiononte skema? Sipas prokurorisë nga hetimet ka rezultuar se e bija e pensionistes, A.D bashkëjeton me italian me inicialet F. C. dhe banojnë në Itali. Dy personave, Guardia di Finanza, ju ka sekuestruar rreth 2.388.611 Euro në Itali, të cilat dyshohen se rrjedhin nga aktiviteti i paligjshëm i tyre.
Por një pjesë të shumës së përfituar përmes mashtrimit, ata e kishin fshehur në Shqipëri duke blerë prona në emër të nënës pensioniste. (Shqiptarja.com)
