Policia e Kosovës ka reaguar zyrtarisht lidhur me ngarkesën e madhe të kokainës që është sekuestruar sot në këtë vend. Në një konferencë të përbashkët me Prokurorinë e Kosovës dhe SPAK, policia ka bërë me dije detaje nga operacioni.
Drejtori i këtij institucioni ka thënë se informacionet kanë ardhur në burime zyrtare disa ditë me parë dhe ngarkesa është mbajtur nën vëzhgim. Po ashtu është njoftuar se janë arrestuar 7 persona dhe sasia e kokainës së sekuestruar është 400 kilogram.
“Substanca ishte e paketuar në pako të ngjashme të mishit. Deri tani janë arrestuar 7 persona shtetas të policisë së Kosovës. Janë sekuestruar 400 kilogram kokainë, makina të ndryshme që janë gjetur në depo“, tha drejtori i policisë së Kosovës.
Po ashtu mësohet se në hetim janë disa persona dhe mund të ketë arrestime të tjera në orët në vijim. Po ashtu priten kontrolle në vendet ku ka qëndruar kamioni me kokainë, pasi hetimet nuk kanë përfunduar ende.
Ndërkohë kreu i SPAK, Arben Kraja, u shpreh se ky operacion tregon se lufta kundër krimit është e vërtetë./ b.h
