Gjykata e Apelit të Krimeve të Rënda ka lënë në fuqi masën e sigurisë “arrest me burg”, të dhënë nga shkalla e parë e gjyqësorit, për katër të arrestuarit lidhur me Toyota-t me 3.4 milionë euro, të bllokuara në portin e Durrësit.
Apeli vendosi sot që të pandehurit Agim Çeka, 61 vjeç, lindur në Luz i Madh, banues në Durrës; Edi Lika (Cani), 41 vjeç, lindur në Dibër, banues në Tiranë; Klevi Lika, 21 vjeç, lindur në Bulqizë, banues në Tiranë dhe Alban Mollaymeri, 40 vjeç, lindur dhe banues në Tiranë, të qëndrojnë në qeli në vijim të hetimeve.
Ndërkohë janë shpallur në kërkim edhe dy kushërinjtë Elvis e Alfred Vladi të cilët sipas dëshmisë së shoferit të trajlerit dhe pronarit Edi Lika, paratë ishin të kushërinjve.
Katër të pandehurit që u lanë në qeli, akuzohen për veprën penale grup të strukturuar kriminal dhe pastrim parash./a.m.
