Që nga Festa e Pranverës, sektorët kulturorë në Kinës, duke përfshirë turizmin kinematografik dhe kulturor, kanë vazhduar të lulëzojnë, duke nxitur rritjen dhe përmirësimin e tregut të shërbimeve të konsumatorit.
Megjithëse pushimet kanë përfunduar, popullariteti i filmave të Festës së Pranverës mbetet i madh, me të ardhura nga shitja e biletave që kanë arritur nivele të reja. Për të tërhequr më shumë shikues, një kinema në Guiyang të Kinës Jugperëndimore u kthye në një ndër kinematë me ekranet më të gjera IMAX-GT të Azisë, duke ofruar pamje ultra të qarta e të ashtuquajtura “zhytëse”.
Ky përmirësim ka tërhequr shikuesit, duke bërë që të ardhurat njëditore nga biletat të kësaj kinemaje t’i kalojnë të tjerat anembanë vendit për disa ditë me radhë. Dai Ao, që i adhuron filmat, e vlerësoi përvojën e vet në këtë kinema: “Tingujt nga të gjitha anët dhe ekrani gjigant krijojnë një përvojë pamore mahnitëse.”
Lulëzimi i sektorit kinematografik nuk sjell vetëm përfitime për kinematë, por u ka dhënë hov edhe veprimtarive, si udhëtimet e frymëzuara nga filmat dhe eksplorimi i kuzhinave të ndryshme, duke krijuar mundësi të reja rritjeje për sektorin ushqimor dhe turizmin kulturor.
Destinacionet si Xian në provincën e Shaanxi-së dhe Rrënojat Yin në provincën e Henan-it kanë pasur popullaritet në rritje, së bashku me rritjen e kërkimeve për hotele, restorante dhe kinema të afërta.
