Situata e pandemisë së Covid-19 do të rrisë nivelin e kredive të këqija në sistemin bankar, pavarësisht masës së shtyrjes së pagesës së kësteve përmes një vendimi të përbashkët të Bankës së Shqipërisë dhe qeverisë. Aktualisht kreditë me probleme u ulën nga 25% në 2015-n në 8.2% për muajin Mars, por gjatë raportimit vjetor në Kuvendin e Shqipërisë guvernatori Gent Sejko tha se pandemia do të mbyllë biznese dhe vende pune, çka e bën të pashmangshëm rritjen e huave që nuk paguhen.
Guvernatori i siguroi deputetët se sistemi bankar do ta përballojë situatën, ndërsa tha se shtyrja e dytë e pagesës së kësteve do të jetë e fundit, pasi tashmë bankat kanë gati rregulloret për të ristrukturuar linjat e kredisë që paraqesin probleme.
Guvernatori i bankës qendrore tha se politika e Bankës së Shqipërisë për lehtësimin sasior, që realizon blerjen e bonove të thesarit të qeverisë në mënyrë që të furnizojë ekzekutivin me likuiditet do të zbatohet nëse dështon emetimi i eurobondit nga ana e qeverisë.
Guvernatori u tregua pozitiv për një marrëveshje të re për daljen nga kriza me Fondin Monetar Ndërkombëtar, por nënvizoi se ky është një atribut që i takon qeverisë shqiptare. Ai tha se rritja e borxhit publik është e pashmangshme në këto momente, ndërsa njoftoi se këtë të hënë është bërë efektive edhe garancia sovrane e dytë e cila jep kredi për kapital pune për biznesin.
/a.r
Sot vajta ne banke per te paguar kredin dhe me than qe duhet te paguash dhe kamat vonesen po un i thash qeverija ka ren dakort me bankat e nivelt te dyt ato me kthyen nje pergjigje arrogante lene ca thot qeverija ne kemi urdher qe te paguash kamatat po te ket shtet kto lloj drejtorash duhen qeru nga bankat turp turp