Ndonëse kreu i Kuvendit, Ilir Meta, kishte deklaruar si pikë të parë të rendit të ditës miratimin e Reformës në Drejtësi, në bazë të programit të seancës së nesërme, Reforma do të jetë pika e tretë e axhendës së punimeve të Parlamentit. Miratimi i ndryshimeve kushtetuese për reformën në drejtësi ëshë pika e tretë e rendit të ditës në seancën e nesërme në Kuvend shkruhet në axhendë, e cila është miratuar një ditë më parë nga kryetari i Kuvendit, Ilir Meta. Ndër pikat e tjera në rend dite janë edhe miratimi i propozimit të Arben Malajt si anëtar i Këshillit Mbikëqyrës të Bankës së Shqipërisë, si dhe miratimi i anëtarëve për vendet vakante në AMA. Pritet që gjatë seancës së nesërme të jenë të pranishëm edhe përfaqësues të trupit diplomatik të akredituar në vend, sidomos ata që u angazhuan fort për reformën në drejtësi.
me.ar
