Ish-kryeministri Fatos Nano ka treguar sulmin që i është bërë rezidencës së kryeministrit, e ashtuquajtuara Vila 30, në shtator të vitit 1998. Në një intervistë për emisionin “Opinion”, Nano ka treguar se prej ditësh kishte pasur sulme, dhe se i duhet të largohej në Durrës. Mirëpo, me familjen Nano nuk ka marrë dot të atin, i cili nuk kishte pranuar që të dilte nga banesa.
PJESË NGA INTERVISTA:
Fatos Nano: Ndoshta është një zhvillim normal pas kaq shumë vitesh. Ndoshta është zhgënjim. Në shtator 1998, disa ditë para sulmit mbi Kryeministrin. Prej disa ditësh më radhë, rezidenca e kryeministrit, vila 30 rrethohej dhe sulmohej nga përbindësha të organizuar nga PD. Dhe vetëm me këta lloj djemsh është mbajtur turma. Policia nuk rezistonte. Pra ndesheshin dy palë djemsh. Disa ditë më nxorrën urgjent në drejtim të Durrësit, nuk e morëm dot babin, nga Vila 30. Se tha nuk dal, unë jam partizan. Dhe partizanët rrinë në llogore. Dhe nuk doli…Atë ditë Vila 30 është sulmuar me granata. Ushtari i Gardës humbi syrin.
g.kosovari
