Piloti legjendar i Formula 1 Michael Schumacher 47 vjeç, 2 vite e gjysmë pas aksidentit të rëndë, bëri hapat e tij të parë me ndihmën e terapistit.
Ky informacion është publikuar nga media kineze “Yibada” e cila ka zyra në 35 kryeqytete të botës, ndërsa konfirmime zyrtare rreth gjendjes së Schumacher-it ende po mungojnë.
Informacionet e reja rreth pilotit të famshëm të F1 vijnë para një “terri mediatik” gjithnjë e më të madh rreth gjendjes së tij shëndetësore dhe e gjitha kjo me kërkesë të familjes së tij.
Ish piloti i Formula 1 Philippe Streiff tha se Schumacher është i vendosur në karrocë invalidi, sepse nuk është në gjendje të lëvizë në mënyrë të pavarur.
Schumacher, piloti më i suksesshëm në historinë e Formula 1, në një aksident me ski në dhjetor të vitit 2013 pësoi dëmtim të rëndë në kokë dhe tru pas përplasjes në një shkëmb. Në gjendje kome ishte deri në shtator 2014 pas së cilës shërimin e vazhdoi në shtëpi, përgatiti ”Express”. (b.an)
