Presidenti i Parlamentit Europian, Martin Schulz deklaroi se mes Bashkimit Europian dhe Turqisë duhet të ketë një dakordësi për krizën e refugjatëve dhe se marrëveshjet e nënshkruara duhet të jenë në përputhje me ligjet ndërkombëtare.
“Një marrëveshje që BE-ja do të nënshkruajë me Turqinë duhet të jetë në përputhje me rregullat dhe ligjet ndërkombëtare, me Këshillin Evropian, me Deklaratën e Gjenevës si edhe me të drejtat e njeriut”, deklaroi Schulz.
Ai theksoi se duhet të arrihet në mënyrë urgjente një marrëveshje për çështjen e krizës së refugjatëve dhe se nëse kjo zbatohet ashtu siç kërkohet do të mund të eliminoheshin trafikantët.
Duke vënë në dukje se vendet anëtare nuk kanë marrë rol në shpërndarjen e refugjatëve dhe se nuk kanë bashkëpunuar me Turqinë, Schulz ka theksuar se për këtë arsye shpresojnë që të arrijnë marrëveshje me Turqinë.
Më 7 mars Turqia ka paraqitur propozime, sipas së cilës, mund të sjellin zgjidhje rrënjësore për krizën e refugjatëve.
Në marrëveshjen që do të diskutohet sot samitin Turqi-BE, do të marrë pjesë edhe kryeministri turk, Ahmet Davutoglu.
