Nuk është ende Çelsi që do ai, por nisja me këmbën e mbarë e Premier Ligës është gjithçka ka nevojë Mauricio Sarri. “Më duhet ndoshta një muaj apo dy për të prezantuar një ekip në maksimum”, tha në konferencë.
Tri pikët do ta ndihmojnë që të punojë më i qetë: “Fituam më shumë prej cilësisë së individualiteteve sesa prej organizimit taktik. Jam i kënaqur sepse skuadra diti të vuajë ndaj një kundërshtari fizik dhe në fund arritëm të dalim me personalitet.
Do të jetë një rrugë e gjatë për të parë Çelsin e vërtetë, sepse lojtarët sapo janë rikthyer nga Botërori”.
Kapitulli merkato është transferimi i munguar i Higuainit: “Klubi ishte shumë i disponueshëm, humbëm një portier të madh prej dëshirës së tij dhe morëm një të ri shumë të fortë, i cili mund të shpërthejë si Kovaçiç apo Zhorzhinjo.
Higuain është një peng i vogël, por të gjitha skuadrat i kanë”. Në fund dhe një shigjetë për ish-presidentin e Napolit De Laurentis që e përmend vazhdimisht: “Do të thotë që i mungoj”, përgatiti Tema. (b.an)
