Ish presidenti francez, Nicolas Sarkozy, ka humbur mundësinë për t’u rikthyer në krye të shtetit trekolor.
Ai është eliminuar në raundin e parë të zgjedhjeve brenda qendrës së djathtë për kandidatët që do të dalin për zgjedhjet presidenciale në Francë.
Sarkozy mori 21% të votave, sipas rezultateve të para, raporton BBC.Në raundin e dytë do të përballen Francois Fillon dhe Alain Juppe.
Ky i fundit mori 28.2 % të votave, ndërsa Fillon 44.1 % të votave. Raundi i dytë brenda qendrës së djathtë pritet të zhvillohet më 27 nëntor.
Zgjedhjet presidenciale në Francë do të zhvillohen më 23 Prill 2017, citohet Koha. (b.an)
