Lëvizja Socialiste për Integrim organizoi një takim me banorë të Sarandës ditën e stome, ku janë prezantuar kandidatët për deputetë të LSI-së. Në këtë takim ishte i pranishëm edhe kreu i Kuvendit Ilir Meta, ku gjatë fjalës para mbështetëse ka garantuar se 600 mijë të rinj do të votojnë LSI-në. Po ashtu, Meta ka kërkuar që të bëhen 1 milion shqiptarë që të votojnë për këtë forcë politike, duke shtuar se kjo është mënyra e vetme që të gjithë të kenë një shans.
“Vendimi është marrë: 600 mijë të rinj e të reja e kanë vendosur LSI-në forcë të parë!. Të bëhemi 1 milion deri më 25 qershor në mënyrë që t’i japin një shans të gjithëve. Sot votohet për të hapur një faqe të re për rininë dhe për Shqipërinë të paktën për 20 vitet që vijnë. LSI është e para, sepse për ne Shqipëria është e para, sepse për ne rinia është e para. Duke i dhënë drejtimin e Shqipërisë dhe të qeverisë LSI-së, u kemi dhënë një shans të gjithë shqiptarëve.”, -tha Meta.
