Pas një konflikti fizik për motive pronësie, një shtetas ka tentuar të shtypë me makinë dy të tjerë, të cilët për pasojë kanë marrë disa plagë pas incidentit.
Ngjarja ka ndodhur në fshatin Nivicë të Sarandës, ku shtetasi Kostandinos Munguli, 24 vjeç, pas konflitkit që ka patur me një 72 vjeçar dhe një 35 vjeçar ka marrë makinën e tij Mitsubishi dhe i ka shtypur këta të fundit.
Fatmirësisht dy personat nuk kanë humbur jetën, edhe pse kanë marrë plagë dhe fraktura në këmbë.
Njoftimi i policisë:
Më datë 13.03.2016, në fshatin Nivicë të Sarandës, shtetasi i lartpërmendur pas një konflikti fizik për motive pronësie, në vendin e quajtur “Kerkez” të këtij fshati, ka tentuar të vrasë (me dashje) me automjetin e tij tip “Mitsubishi” me targë: SR2301B, dy shtetas (Gj.P. 72 vjeç dhe L.P. 35 vjeç), të cilët për pasojë kanë marrë disa fraktura në të dyja këmbët dhe ndodhen nën kujdesin e mjekëve në Spitalin e Sarandës, jasht rrezikut për jetën.
