Një 47-vjeçar i ka dhënë fund jetës duke u vetëvarur me një kabull elektrik. Ngjarja e rëndë ka ndodhur në fshatin Gjashtë të Sarandës rreth orës 09:50 të mëngjesit të sotëm. 47-vjeçari me inicialet A.D është gjetur nga familjarët i vetëvarur dhe pasi i kanë liruar kabullin nga qafa, ai ka qenë ende gjallë. Në tentativë për ta mbajtur në jetë, të afërmit e kanë dërguar me urgjencë në spitalin e Sarandës për të marrë ndihmën e parë mjekësore, por 47-vjeçari nuk ka mundur të mbijetojë dhe ka ndërruar jetë rrugës për në spital.
Sipas informacioneve paraprake të Policisë së Sarandës, ngjarja e rëndë dyshohet se ngjarja ka ndodhur pas një konflikti me bashkëshorten për motive të dobëta. Policia thotë se “grupi hetimor ndodhet në vendngjarje duke kryer veprimet e mëtejshme procedurale në lidhje me sqarimin e rrethanave”
