Policia e Sarandës ka sekuestruar 76 kg kanabis sativa dhe ka vënë në pranga dy personat që zotëronin drogën, pas informacioneve se të dyshuarit do të transportonin lëndën narkotike nga fshati Kuç i Vlorës në Sarandë, e më pas në Greqi.
Shtetasit e arrestuar janë 32-vjeçari Taulant Lamaj dhe 33-vjeçari Olgert Lamaj, të dy banues në Vlorë. Shërbimet e Policisë, gjatë orëve të para të mëngjesit, në aksin rrugor Çorraj-Borsh kanë bërë të mundur kapjen në flagrancë të këtyre shtetasve. Gjatë kontrollit të automjetit të tyre, shtetasve iu gjet edhe një automatik.
