Një fëmijë i mitur është aksidentuar në Sarandë dhe ndodhet në gjendje të rënduar shëndetësore. Ai është dërguar me urgjencë në Spitalin e Traumës në Tiranë.
Grupi hetimor në vendngjarje ka konstatuar se pranë një lokali në lagjen numër 1 të qytetit, automjeti tip “Furgon” me targë AA 832 EV, me drejtues shtetasin A.N., 25 vjeç, banues në Sarandë, ka goditur aksidentalisht fëmijën e mitur, shtetasin V. Sh., 7 vjeç, banues në Sarandë.
Për pasojë, i dëmtuari u dërgua në Urgjencën e Spitalit të Sarandës por do të niset me Helikopter drejt Tiranës për mjekim më të specializuar.
Shërbimet e qarkullimit rrugor kanë shoqëruar drejtuesin e mjetin për sqarimin e rrethanave të aksidentit./panorama/a.k
