Deputeti i opozitës së re në Kuvend, Myslim Murrizi i ka kërkuar mazhorancës që të ndërmarrë një nismë për të falur të gjitha gjobat e vendosura gjatë pandemisë dhe të rikthehen të gjitha patentat e hequra në këtë periudhë.
Murrizi shprehu qëndrimin e tij pro ndryshimeve në Kodin Rrugur, por theksoi se nuk mund te ndalen aksidentet rrugore me fushatë. Ai solli rastet kur gjate fushatës elektorale nuk pati asnje kontroll, ndërsa sapo mbaruan zgjedhjet, policia u vu në aksion për të gjobitur qytetarët.
“Ndryshimet që bëhen në kodin rrugor unë do të isha dakord që të kishim një kod të ri rrugor, një kod të BE që Shqipëria aspiron. Edhe kodet e tjera, jemi mësuar të bëjmë arnime sipas momentit.
Ajo që shoh në këtë kod rrugor është ngritja e masave ndëshkuese, gati dyfish i disa kuntravajtave. Ulja e numrit të aksidenteve nuk bëhet me aksione apo me fushata.
Gjatë fushatës elektorale asnjë polic në rrugë, asnjë dylbi, asnjë kamer. Pas procesit të votimit, aksion i madh në çdo aks rrugor, policë që fshihen pas ferrave.
Meqë jemi të kodi rrugor ftoj mazhorancën të merrte një nismë dhe të falte gjobat gjatë pandemisë dhe kthimin e patentave të atyre personave që janë penalizuar për dërgesë në spital të hallexhinjve që nuk kanë korresponduar me orën policore.
Do të ishte mirë që të gjitha lejet e drejtimit të pezulluara për këtë shkak , të vinte një nismë ligjore për amnisti.
Edhe unë jam dakord që kodi rrugor të jetë i përqasur. Do të doja të ishte një kod i BE por gjithsesi shpreh votën time pro dhe pres nga mazhoranca për të dërguar një amendament për të falur gjobat gjatë pandemisë”, tha Murrizi.
g.kosovari
