Sipas mediave të huaja, gjykata tha se vendimet e Trump synojnë “të dëmtojnë punën e tij të pavarur dhe të paanshme gjyqësore”.
“Gjykata qëndron me vendosmëri pranë personelit të saj dhe zotohet të vazhdojë të japë drejtësi dhe shpresë për miliona viktima të pafajshme të mizorive në të gjithë botën, në të gjitha situatat përpara saj”, njoftonte Gjykata.
Mbrëmë Trump urdhëroi sanksione financiare dhe kufizime vizash kundër zyrtarëve të ICC-së dhe anëtarëve të familjeve të tyre që kanë ndihmuar në hetimet e qytetarëve ose aleatëve amerikanë.
Kjo përfshinte urdhrin e arrestit për Benjamin Netanyahu dhe ish-ministrin e tij të mbrojtjes Yoav Gallant, të cilët akuzohen për vrasje, persekutim dhe shkaktim të krizës së urisë, si një metodë lufte në Gaza, akuza që Izraeli i kundërshton.
